Югыд войяс

      Небыд, шоныд кыа пиын узьö ойдлöм бöрын сöдзöм-раммöм юыс... Дзигöдö да окалö веж видзсö... Шлывгö-кывтö Эжва ылö-ылö... 
     Тёльснитiс со тонö – чери ворсö!.. Пыжа вöрзис – оз на кайсьы гортас… Кöдзыд руöн öвтыштiс друг юсянь... Муртса кежлö йирмöг весиг босьтлiс. 
     Сэтшöм муса ода кора тöлысь... Гашкö, сы вöсна, мый тайö кадас чужлi… Лöсьыд… Абу на и номйыс весиг… Кольма льöмлöн дзоридз чöскыд дукысь… 
    Олöмыд кö мича кыа кодьыс - нöдкывъя да сöстöм… Ставсö венан! Мыйла сулö тöвся пемыд войыс? Йöршитас да, пöгибö дзик волан. 
 Джуджыд кырсянь нимкодяся дыр на, серпасыс тшöтш син водзö мед кольӧ. Куткыртчöмöн тöвся рытö ковмас казьтывлыны кöка югыд войяс.