Эндӧны видзьяс

Эжва сайса эндіс паськыд виддзыс.

Вӧрсялӧ да, матыстчывлӧ ош.

Бадь рос лыддьӧ бырӧм парма пыдди,

си турунас тӧкӧтьӧ оз вош.

Шутёвтӧма-сь ён на зорӧд пиньяс,

муӧ пырӧм тӧрмӧ пыкӧд-потш...

Лӧньӧдчӧма посводз джаджйын жыннян,

шысӧ лэдзысь-казьтывлысьыс шоч.

Косьмӧм вороп шедӧ коса пуртысь…

Ытшкывлім…пӧсь петмӧн… коркӧ... тан.

Ланьтіс сиктын уджыс, турун пуктысь.

Тадзи узьӧ нэм джын кысян стан.