Зёльӧдчо-гажӧдчӧ пыста

Зёльӧдчӧ-гажӧдчӧ пыста,

Радысла оз ӧшйы инас.

Сизь пуӧ таркӧдӧ, кылӧ:

Локтӧ нин, матыстчӧ, тулыс.

Еджыдӧн ёрӧны синтӧ
        Мойдын кодь пожӧма ягъяс:

Тӧв шӧр моз, тулыс, он кы тэ

Кынь куа паркасӧ. Асъя.

Лӧсталӧ йи пӧвйӧн - шыльыд
        Топалӧм чарӧма лымйыс.

Шондіыс вочасӧн сывдӧ -

Быгзьыштӧ веркӧсас гыыс.

Пӧрысьмӧм лым тола пиысь

Вӧсньыдик сяльгысь шор чужис,

Котӧртіс, вуджӧрӧ суніс,

Пырысь-пыр кенясис-йизис.