Арлань

Вӧрысь локтігмоз тӧрыт

Видз выв дзоридзсӧ ӧкті.

Гожӧмсӧ нюжӧдны кӧсйи…

Весьшӧрӧ… Ланьтіны

Мудзӧм виж катшасинъясыс…

Арся зарниӧн ӧвтыштіс

Изсира енэжтас киньясысь.

       Изсир = янтар

     

   

Быд во тадз. Виччыся-виччыся шоныдсӧ, син лапнитны ог удит - ар нин.  Миян мозъя овлӧ сӧмын лым вылын, да моз тӧлысьӧн нимтыны августсӧ кывйӧй оз бергӧдчы. Чайтсьӧ, мый коми нимсӧ февральыслысь  да августыслысь колӧ вежны местанас да "урасьӧм" кыв водзас "к" шыпас содтыны.

Илля лунӧ пӧ ӧбедӧдз гожӧм, ӧбед бӧрын ар нин. Сёркни быдман сап пемыд войяс локтӧны. Паренча радейтысьяслы. Кутшӧм ывла – сэтшӧм и мӧвпъяс. Али мӧдарӧ: кутшӧм думъяс юрын – сэтшӧмӧн ывлаыс и тыдовтчӧ. 

Йӧрӧс кытшовті: ытшкӧм бӧрын боръяс кушӧсь, кымынкӧ катшасин потшӧс дорӧ жмитчӧ. Мед кӧть и садитӧм чветъяс ыпъялӧны мичлуннас, да и град-вӧрысь эм мый пызан вылӧ пуктыны, лэбач дзользьӧмтӧгыс, кӧка войтӧгыс да видз выв дзоридз кӧртӧгыс абу олӧм дай ставыс. 

Гожӧм воліс и муніс, маръямоль выльысь оз чепӧсйы, мый удиті - снимайті, тшӧтш и катшасинъяссӧ.