Йирым

Йирмӧг… 

Лысьӧмӧдз йирмӧг…

Йирӧ сьӧлӧмӧс 

йирым тӧлысьыс.

Мустӧм ар пом 

дусыда гартӧ,

Лым сора буссӧ 

нӧбӧдӧ ылӧсас.

Орӧдӧ кыдз пу кор… 

Бӧръясӧ...

Помалӧм лача, 

йӧжгыльтчӧм, рудӧдӧм.

Небыдик лыссӧ 

ниалысь гылӧдӧ

Шупалӧм гӧптӧ... 

Кӧдзалӧм сынӧдӧ.

Кывтысь наридзсӧ 

вевттьӧма,
Паськыд мир туйсӧ - 

вижӧдӧм лестукӧн.

Кынмӧм кок туйсӧ…  

Мортыс - абу нин.

Енмыс пӧ аддзӧ... 

Абу тай видзӧма.